.png)
Müxtəlif tematik araşdırmalara əsasən, proseslərin mütəmadi optimallaşdırılması ən yüksək səviyyəli peşəkar xidmətlərin göstərilməsinə yardım edir. Yayılmış fikrə rəğmən,“Lean Management” metodlarının tətbiqi təkcə istehsal müəssisələrində öz bəhrələrini vermir. AsstrA-Associated Traffic AG -nin “Lean & Process Management” şöbəsinin müdiri Maçey Tıburçi “Lean Management” yanaşmasının nəqliyyat-logistika şirkətinin Müştərilərinin gözləntilərinə uyğun gəlməsinə necə kömək etməsi barədə danışır.
- “Lean Management”dən istifadə nəqliyyat-logistika xidmətlərinin provayderinə və onun müştərisinə hansı üstünlükləri qazandırır?
- “Lean Management” – biznes proseslərin təkmilləşdirilməsi - daha çox şirkətin daxili fəaliyyəti ilə bağlıdır. Söhbət əməkdaşlar arasındakı qarşılıqlı fəaliyyətdən, eləcə də müəssisənin Müştəri üçün həyata keçirdiyi tapşırıqlardan gedir. Kontragent mal və ya xidmət sifariş edir, bu, şirkətdə proseslər zəncirini işə salır, onun məqsədi sifarişin reallaşdırılmasıdır.
Kimsə soruşa bilər ki, bu cür yanaşma servisin səviyyəsini artırmağın və hər dəfə Müştərilərə daha keyfiyyətli xidmətlər göstərməyin yeganə imkanıdırmı? Cavab xeyrdir. Başqa üsul da var.
- Onun mahiyyəti nədən ibarətdir?
- Proseslərə və müştəri ilə əməkdaşlığa daha geniş baxsaq, görmək olar ki, sifarişləri yerinə yetirən şirkət və Müştəri eyni cür proseslərlə əlaqəlidir. Onların bir qismi Müştəri tərəfindən reallaşdırılır – məsələn, sifarişin yerləşdirilməsi və sənədlərin təqdim edilməsi, digər qismi isə icraçı tərəfindən həyata keçirilir. Məsələn, safirişə xidmətin göstərilməsi, məhsulun hazırlanması və çatdırılması, yaxud xidmətlər.
- Deməli daxili proseslərə cəmlənirik?
- Daxili proseslər hələ hər şey demək deyil. Müştəri tərəfində olan tərkib hissələrini də unutmaq olmaz. O da proseslərin yaxşılaşdırılması üzrə çağırışları qəbul edə bilər.
- AsstrA bu məsələdə Müştəriyə kömək edə bilər?
- Bəli, edə bilər. Təbii ki, hər şey Müştəridən asılıdır. AsstrA beynəlxalq şirkətlər qrupunun təklif etdiyi və fəal şəkildə tətbiq etdiyi yanaşma həm müştəri, həm də daxili tərəf üzrə proseslərin qlobal təhlilidir. Yekunda hər iki iştirakçı qazanır.
Bu yaxınlarda AsstrA-Associated Traffic AG şirkətlər qrupunun ən böyük Müştərilərindən biri ilə əməkdaşlıq çərçivəsində AsstrA komandası bütün prosesin təhlilini apardı. Şirkətin ekspertləri proseslərin xəritəsini hazırladılar, müştəri ilə çoxsaylı görüşlər keçirdik ki, onun tələbatlarını ətraflı öyrənək və həm AsstA, həm də Tərəfdaş tərəfindən işin yaxşılaşdırılması üzrə təkliflər irəli sürdük. Bu fəaliyyətlər nəticəsində kommunikasiyanı, sənəd dövriyyəsini qurmaq və ən əsası şirkətlə əməkdaşlıq zamanı Müştərinin məmnunluq səviyyəsini artırmaq mümkün oldu.
- Müştərilərin hamısı belə “eksperimentlərdə” məmnunluqla iştirak edirlər?
- Hər kəs - xidmətlər göstərən firma-provayderlər, müştərilər – öz işinin effektivliyini artırmağa çalışır. Prosesləri yalnız hər iki tərəfin sıx əməkdaşlığı və texniki çətinliklərin müzakirəsinə hazır olmaqla yaxşılaşdırmaq mümkündür. AsstrA mütəxəssisləri bunun sayəsində yuxarıda qeyd edilən Müştəri halında proseslərin bütöv yaxşılaşdırılmasını həyata keçiriblər. Aşkarlıq, arzu və müəyyən mənada hər şeyi bilmək həvəsi olmadan bu cür “eksperimentlərin” həyata keçirilməsi mümkün deyil. Müştəri ilə sıx əməkdaşlıq uğurun açarıdır.